— 142 —
laen, dia maoe boenoe Koei Hoa, maka Koei Hoa djadi takoet, kerna ada Tan Loja, tetapi si Koei Hoa saoetin jang Thian Hoak djoega soeda taoe, Tan Loja maoe piara sama si Koei Hoa, maka ia sengadja ngomong begitoe, sebab ia kapengen taoe sampe dimana kebraniannja Tan Loja. Abis akoe bilang pada Koei Hoa jang si Thian Hok djangan gegaba ngomong begitoe, sebab Tan Loja orang kaja, kaloe Tan Loja taoe si Thian Hok ngomong begitoe, nanti Tan Loja djadi mara. Begitoelah ngomong poenja ngomong masi djoega Koei Hoa bilang ia takoet sama si Thian Hok, maka lantaran gergetan akoe tempeleng padanja, tiada taoe saking kakerasan, akoe sendiri djadi djato terplanting hingga badankoe djadi sakit sekarang, tjoba Loja liat.”
Sembari kata begitoe Tjit Mah kasi liat loeka-loekanja jang bekas digeboekin oleh Koei Hoa (djadi boekan terpleset, dong? ha, ha, ha, Let Zetter.), kamoediania berdjalan dengen plahan ambil satoe korsi boeat doedoek, kerna ia rasaken badannja pada meloewang tiada koeat tahan berdiri terlaloe lama.
„Abis sekarang Koei Hoa-nja kamana?” tanja Tan Sam.
„la soeda boeron,” kata Tjit Mah.
— „Boeron? Boeron kamana?”
