— 140 —
soek kakamarnja Koei Hoa. Sesampenja di itoe kamar Tjit Mah liat liat keadaan disitoe.
Ia dapetken peti pakean Koei Hoa soeda terboeka, segala isinja tiada ada barang sapotong. Tjit Mah keliatannja manggoet-manggoet saoepama boeroeng tekoekoer, setelah mana ia berkata:
„Ini bagoes sekali boeat akoe. Itoe anak binatang akoe dakwa soeda bawa minggat akoe poenja barang periasan, akoe kapengen liat apa dia tiada dihoekoem. Barang-barang sama sekali jang ia bawa, direken sama periasannja tiada koerang dari ampir sapoeloe riboe, satoe djoembla jang boekan ketjil. Dia boleh akoe jang itoe semoea barang ia jang beli, tetapi akoe bisa oendjoekken soerat jang akoe soeda beli padanja sebagi boedak. Akoe dakwa sebagi boedak soeda brani bawa lari barang madjikan. Ha dasar dia maoe tjari penggeboek. Baek-baek akoe maoe kasi pada Tan Sam, bolehnja dia tongkrongin sadja si Thian Hok itoe lelaki roedin.”
Tjit Mah berdjalan kaloear dan masoek kadalem kamarnja sendiri, kamoedian doedoek bengong. Achirnja ia berkata:
„Tetapi akoe moesti tjari taoe kemana ia soeda minggat. Akoe poenja doegahan tiada sala, tentoe ia pergi karoemanja Pouw Teng sama si Thian Hok. Kaloe betoel ada disitoe, sama sekali akoe
