— 114 —
oewang lima ratoes, kau ambil boeat onkost, kamoedian kaloe perloe akoe kasi lagi.
Sembari berkata begitoe, Koei Hoa rogo dompetnja kalcearken oewang kertas doca lembar dari doea ratoes limapoeloe kasiken ditangannja Thian Hok, jang soeda ditrima dengen tangan menggetar kerna terharoe meliat katjintaannja Koei Hoa jang ia tiada njana sekali. Kamoedian Koei Hoa kasi slamet tinggal dan berlaloe dari roemanja Pouw Teng sasoeda menengok bebrapa kali.
Istrinja Pouw Teng meliat kebaekannja Koei Hoa djadi tarik napas pandjang dan laloe kasi taoe pada soeaminja, jang djoega memoedji Koei Hoa poenja kabedjikan, maski ia ada satoe prempoеan hina, tetapi ada menerima sekali orang poenja boedi, satoe hal djarang sekali bisa didapet pada prempoean hina kebanjakan, jang tjoema bertabeat „ada oewang baba saja, tida oewang baba paja.”
Moelai dari itoe hari sateroesnja Koei Hoa sering tengokin Thian Hok diroemanja Pouw Teng dengen tiada loepa bawa beboeahan boeat kekasinja dan tinggalken oewang boeat onkostnja Thian Hok. Tempo-tempo ampir satoe hari Koei Hoa dampingken pada Thian Hok, jang maski Thian Hok bermoela rasaken peroentoengannja soeda djadi begitoe djelek ada lantaran Koei Hoa dan
