— 107 —
bab oeroesan begitoe akoe ada pertjajaken pada Kim Sioe saorang. Sedari akoe sering dateng ka sini blon perna satoe kali akoe preksa-preksa boekoe, tjoema baroe ini akoe liat djoega, jang membikin akoe djadi kaget telah dapetken kakoerangan banjak sekali.“
„Sabenernja kau ada terlaloe tjerobo,“ kata Koei Hoa, „apa kau taoe abis hatinja Tong Kim Sioe?“
— „Boeat Tong Kim Sioe akoe pertjaja ia ada saorang baek, ia soeda bekerdja lama sekali di toko Hiap Tjiang dengen blon perna berboeat satoe kesalahan jang membikin ajah-koe djadi djengkel, ketambahan ia ada baek padakoe dan ada djadi koeasa bersama-sama, masa ia maoe berboeat satoe hal jang tiada bagoes?“
— „Begimana kaloe bapamoe poelang, tentoe ia marain kau soeda abisken begitoe banjak oewang?“
— „Inilah jang sekarang akoe sedeng djengkelin.“
— „Soeda, Thian Hok kau djangan terlaloe pikirin itoe katekoran, kerna tjoema-tjoema kau poenja badan djadi tiada oeroes.“
— „Abis sama apa akoe moesti ganti begitoe banjak?“
— „Kaloe baroe sedikit sadja, biarlah akoe nanti djoeal akoe poenja periasan badan.“
