308
sakit jang lebi baik. Bikin sekarang sama saija apa angkaoe:”
Atas itoe pekataän jang pengabisan orang-orang jang datang nonton lantas maki-maki sama dia, tetapi dengan soeera bengis Ming lantas soeroe diam sama dia-orang, sahabisnja itoe President bitjara sedikit sama itoe doea hakim jang ada doedoek di kanan-kiranja, lantas dia kaloeari dengan soeara besar itoe poetoesan. jang begini boeninja:
Kita, Ming Lou-ti, ambtenaar klas tiga, president dari itoe pengadilan di Canton, ada prenta:
„Njang itoe Liou Siou dan Ité jang terseboet soeda salah di terka memboenoe Lin dan sebab itoe kedjahatan jang tiada di boeat olehnja, soeda terhoekoem, nanti lantas misti di lepas dari pendjara. Dengan nama justisie saija mengoendjoek saija poenja menjesal kapada dia-orang dari hal itoe kasalahan jang soeda di boeat oleh justisie atas dia-orang poenja diri. Itoe Tchou jang terseboet, doeloe toekang potong di Founsi, soeda kadapatan berboeat itoe pemboenoe-an dan jang soeda mengakoe dapet hoekoeman mati dengan pelahan.
„Kerna di atas itoe kedjahatan jang pertama Tchou soeda berboeat lagi bebrapa pentjoerian dan pemboenoean dengan sendjata bersama-sama bangsat-bangsat atas siapa dia itoe ada djadi kapala, maka kita prenta lebi djaoe jang toeroe maoenja kita poenja radja-moeda. Pangeran Kong, itoe hoekoeman tiada nanti di oendoerkan sampe itoe soerat-soerat dari hal ini perkara balik kombali dari Peking, tetapi jang itoe hoekoeman
