277
dia roeboe dari sebab katjapean. Toean Perkins lantas lekas boeroe padanja.
Kasian itoe Pei-ho soeda dapet loeka di dadanja, dari dalam mana banjak darah toempa.
― Sekarang kita-orang soeda impas toean Perkins ― berkata Pei-ho dengan soeara lemas; saija bakal mati maka tiada bisa anter toean ka poeloe Ladronen, tapi itoe perkoempoelan „Boenga Bakoeng” tiada poenja kapala prangnja lagi, sebab saija soeda boenoe padanja.
Pei-ho soeda mati, Perkins angkat maidnja bawa ka dalem praoe, didalem mana njonja Lauters dan toean Arthur soeda doedoek.
Maidnja toean Lauters soeda di bawa sama ombak.
Sa-perapat djam dari belakang itoe praoe soeda sampe pada kapal Si Ladjoe, dan kapteinnnja lantas melompat naik ka dalem kapal.
Badjak-badjak laoet soeda melangar sangat kras, tapi stirman Morton soeda poekoel dia-orang itoe sahinga lari.
Jang paling besar tjilaka boleh djadi, ia itoe tingalamnja dari itoe kapal, sebab pada glap boeat maka doea dari itoe badjak-badjak soeda bisa bernang ka pantat kapal dan bikin lobang besar dengan satoe kampak sopaija aer boleh masok.
Boedjangnja toean Perkins soeda dapat liat itoe, dan larang itoe oleh bela doea-doea badjak poenja kapala.
Doea blas orang kapal sebab beklai dengan badjak tiada bekerdja. Tiang-tiang jang terbakar membikin soesa boeat belajar. Maka toean Perkins berniat besok paginja bawa dia poenja kapal ka Hongkong boeat di
