270
abis masok doedoek didalemnja dengan njonja Lauters, toean Arthur dan Pei-ho.
Hari soeda djadi malem, Perkins tiada salempang sebab dia kenal betoel itoe djalanan maka dia-orang belajur troes menoedjae kotta Victoria.
Di tenga djalan dia dapet angin riboet besar, sampe matroos tiada kaboeroe toetoep lajar saliinga tiang skoetji itoe pata.
Toean Perkins jang doedoek pada kamoedi soeda kira itoe praoe bakal tebalik dan di bawa ombak ka atas karang dari poeloe Lamma,
Orang-orang praoe bersama-sama Pei-ho soedah berdajoeng sakoeat-koeatnja, tapi tiada toeloeng satoe apa. Sebentar lagi Perkins berasa jang kamoedinja pata kena karang dan praoe itoe tingal tepoeter di tenga laoet dan datang semingkin dekat atas batoe karang.
— Kita-orang dapet tjilaka, — berkata kaptein Perkins dengan ati soesa.— Toean Arthur, saija nanti djaga njonja, saija nanti tjoba boeat toeloeng padanja. Angkaoe tjoba bernana ka darat dan Pei-Ho nanti djaga maidnja toean Lauters. Mari teman-teman kita bernangka darat oentoeng-oentoengan.
Ini perkata-kataan soeda di katakan kapada matroos-matroos, tapi sabelonnja diaorang taksir brapa djaoe adanja daratan dengan laoet, dan tiada sempat kasi menjaoeloet kapada kaptein Perkins, itoe praoe soeda tabele doea kena karang.
Perking gendong njonja Lauters, jang moekanja
