264
baik-baik karna dia takoet itoe badjak-badjak ataoe lain praoe dari „Boenga Bakoeng“ nanti liat dan soesoel padanja.
Dalam berganti-ganti kabimbangan dan pengharapan datang ah itoe orang-orang jang lari pada satoe kampoeng ketjil bernama Dosfer jang ada di sabela oetara poeloe Fransman.
Itoe kaptein kapal Si Ladjoe soeda berkira djikaloe dia boleh akan mengampir sabetar disitoe, tetapi serta dia tengok itoe jang loeka maka dia lantas dapat ingat jang dia misti boeroe-boeroe akan sampe di Whampoa.
Toean Lauters poen tiada kasi sedikit tanda jang dia masi ada poenja njawa dan istrinja, jang masi djoega pangkoe kapala lakinja dan tiada poetoes meliat padanja, soeda kaliatan seperti orang jang tiada poenja pengharapan.
Satenga djam komediannja itoe praoe soeda belok di oedjoeng poeloe Bernard dan masoek pelaboehan Whampoa.
Perkins bawa praoenja dekat kapal tiang tiga jang bernama Brittania jang mana kapteinnja jang dia kenal baik soeda lantas kirim doktornja kapadanja.
Itoelah soeda ada liwat waktoe. Toean Lauters soeda brenti akan hidoep.
Dengan sasoenggoenja doktor itoe soeda berkata jang matinja toean Lauters ampir soeda misti djadi dalain itoe sabantaran djoega jang dia dapat itoe loeka.
Maka itoe pembritaän soeda bikin mengarti njata pada njonja Lauters dari dia poenja kaadaän dan dia
