253
— Belon dengar! Belon pertjaja! berkata Ming dengan angkat tangannja ka atas. — Adoeh, Perkins djikaloe angkaoe tiada serahkan Tchou hidoep ataoe mati di tangankoe, maka itoe ada satoe tanda jang angkaoe tiada poenja saijang sedikit pada sobatmoe jang lama.
— Hareplah djoega pada saija. Dalam ampat ataoe lima hari itoe poeloe Ladrcnen dapat tetamoe dari saija, tetapi ingat baik-baik jang angkaoe misti lantas kirim kabar pada saija, djikaloe angkaoe dengar apa-apa dari Canton.
Sasoedanja kaptein kapal Si Ladjoe bitjara begitoe lantas dia kasi tangan kapada itoe president dan berlompat kombali kadalam praoenja.
Doea poeloe menit komediannja dia soeda sampe kombali di toko kompani Inggris.
Disana ada berdiri dengan bersender di pager besi doea orang toekang minta-minta jang kaliatannja miskin sekali.
Perkins liwat dan tiada ambil perdoeli pada dia-orang tetapi dia orang soeda kenal padanja, karna jang satoe berkata kapada temannja:
— Apa angkaoe taoe tentoe jang dia itoe ada toean Perkins, toekang bawa madat gelap?
— Saija taoe tentoe sekali, — menjaoet jang di tanja, besok pagi tentoe dia toeroet sama sobat-sobatnja.
— Apa kaloe begitoe dia-orang berangkat?
— Toean Lauters soeda baijar dia poenja toekang toekang pikoel dan di kasi lepas. Satoe dari dia-oraug
