241
— Itoe bantoean djikaloe toean pangeran bri idzin padakoe akan soeroe poekoel poeloe Ladronen oleh doea ataoe tiga kapal prang.
— Tetapi itoe ada satoe kiriman paprangan tjara bala tantara jang angkaoe minta saija bikin! Apa angkaoe tiada taoe jang banjak dari itoe poeloe-poeloe tiada boleh di dekati dengan kapal; jang tentoe sekali itoe badjak-badjak tinggal di itoe poeloe bagitoe roepa jang kita soeda kirim satoe paprangan jang demikian tiada bergoena satoe apa? Orang-orang jang djadi penoendjoek djalan di loet bilang, dia-orang tiada kenal itoe poeloe dan terlebi lagi saija haroes bilang padamoe jang saija soeda dapat kabar dari watas negri, jang saija tiada di bri idzin akan laloekan satoe soldadoe ataoe satoe matroes dari Canton.
—Kabar jang mana?
—Kaliatannja itoe orang-orang peroesoean jang di namai Tai-Ping lagi bikin sedia akan berboeat satoe perdjalanan ka salatan, dia-orang tentoe sakali soeda satoe hati dengan badjak-badjak di poeloe Ladronen. Oleh sebab itoe Tai-Ping di takoetkan lebi dari pada itoe badjak-badjak maka dengan saboleh-boleh biar saija djangan sampe bagi-bagi saija poenja kakoeatan.
Saija nanti dapat banjak soesa akan melindoengkan samoea pinggir kali dengan melawan itoe orang-orang djahat dan dari sebab itoe saija tiada maoe kirim saija poenja kapal-kapal prang di tenga laoet.
Tetapi apatah misti di bikin?
— Itoe melainkan angkaoe poenja taoe!
Lawah-Lawah Merah
16
