223
― Sabar sadja, toean president, sabar sadja? ― berkata toean Arhur, ― sampe saparo dari itoe pakerdjaän soeda abias, maka jang lain nanti datang sendiri.
― Ja, barangkali, ― berkata president, ― tetapi sekarang soeda lebi saparo liwat dari itoe tempo jang saija soeda dapat dari pangeran Kong. Dan bagimana ada sama itoe orang jang di gantoeng, Perkins? Tentoe soeda banjik orang datang liat di itoe tempat gantoengan. Saija soeda hirang sekali jang saija datang lebi kablakang.
― Angkaoe tiada datang lebi kablakang, toean president! ― menjaoet toekang bawa madat gelap, ― itoe hoekoeman gantoeng belon di djalankan.
― Apa angkaoe tjarita pada saija?
― Barang jadg betoel! Orang-orang hoekoeman soeda sedia akan mati, tetapi algodjo dan tiang gantoengan belon ada.
― Kaloe bagitoe itoe Roumi soeda main gila pada kita. Sekarang saija poetoeskan dia poenja hoekoeman. Dia misti di gantoeng.
Orang-orang jang batja ini tentoe nanti pikir jang Ming tiada taoe satoe apa dari iioe perdjandjian jang pengabisan di antara Perkins dan Roumi.
― O, djangan terlaloe tjepat sobat; Roumi ada satoe algodjo jang terlaloe amat bisa, jang tiada main gila pada satoe orang. Dia datang liwat waktoe maka tjoema itoe sadja salanja, tetapi pada malam djam poekoel toedjoe dia nanti bikin pekerdjaännja.
Itoe angkaoe misti taoe.
