197
tjarita lepas satoe doea boelan, boeat meliat bagimana roepa itoe perkara ada pada moelanja. Ja itoe ada hari sasoedanja pemboenoeannja Lin pada pagi hari. Itoe kapal jang di namai Boenga Bakoeng poeti" tatkala itoe di hantar oleh Pei-Ho jang soeda di tangkap sebab membadjak doea kapal madat dari bangsa Inggris dan jang mana maidnja soeda di beli oleh president Ming sasoedanja dia toendjoek itoe tiang gantoengan padanja.
Pada hari lebi doeloe dari moesin oedj n angin, itoe badjak-badjak ada bakerdja radjin akan bawa naik ka darat dia-orang poenja praoe jang terantjam akan di pitjakan oleh ombak kaütas batoe karang; dia-orang meliat dari darat datangnja satoe praoe ketjil jang anjoet ka laoet di paakoel oleh aroes dan angin.
Tetapi tjoema ada satoe orang sadja jing kaliatan, badannja tinggi besar ada diatas praoe ketjil itoe jang sabantar-bantar ilang didalam ombak.
Dia doedoek di sabela belakang praoe itoe mamegang kamoedi dan tali lajar atas pangkoenja, jang mana lajarnja di tioep kemboeng oleh angin, dan tiada melawan angin dan aroes tetapi kiranja sengadja maoe tjari kematiannja.
Pada waktoe jang dia berlajar menoedjoe tandjoeng poeloe Wangmu, dia dapat liat marika itoe jang ada di darat, dan seperti itoe pengliatan sama sekali soeda merobahkan alamatnja, maka dia robeklal itoe lajar jang di hamboes angin dan ambil lain haloean menoedjoe batoe karang, atas jang mana praoenja soeda terbelah.
