2098
sembahnja ja toeankoe Pendita harep di ampoen adapoen sepeninggal toeankoe radja moeda tidalah padoeka toeankoe mendenger habarnja padoeka toean ampoenja anak di mana adanja entah mati entah hidoep djika hidoep patek hendak bertemoeken pada toean hamba kerna seraja matila patek tiada ketahoean tempatnja, maka djikaloe ada toeloes ihlas toeankoe Pendita patek hendak mentjari toean patek barang di mana garangan adanja patek kedoea hendak mentjarinja djoega toeankoe.
Satelah Pendita mendenger tjeritanja kedoea pahlawan kera itoe terlaloe amat belas rasa hatinja seraja katanja: Hai kedoea pahlawan sepatoetnjala anakenda ampoenja perkataan.
Adapoen pasal anakenda Indra Maulana masi hidoep ia tiada mati melinken ia dalem menanggoeng sengsara aken tetapi tiada mengapa moedah moedahan toehan memberi selamat atas dirinja maka pada masa ini teroesahla anakenda pergi menjoesoel anakenda kerna soesahla ajahanda di tinggal oleh anakenda.
Maka sahoet kedoea kera ja toeankoe tiada lama djoega patek kembali bersama sama toeankoe Indra Maulana djika tiada patek menjoesoel apalah garangan soesah hatinja Indra Maulana kerna tiada bergoenala patek hidoep lebih baik mati dari pada terpisah dengan toeankoe Indra Maulana.
Maka setela Pendita mendenger perkataannja kedoea kera itoe djika demikijan baekla toean
