2080
pat banjak doeit dan pakean tinggalla Rinam sari kedoea ajahandanja di alam radja negri Tadjir.
Alkaisach maka terseboetlah perkataannja toean poetri Maal Djamdjam selama ia mendapet kemala dari Djami djami di rimba Pandan soelasi itoe terlampau soekanja toean poetri mempermainken kemala itoe.
Sjahdan maka terseboet poela toean poetri Tjindra sari memboeat hobatan pada toean poetri Maal Djamdjam soepaja ia pande membales atas kesoesahannja kerna ia berlakoe jang boewat membri sakit hati orang maka pada soewatoe malem toean poetri memangil dajang dajang maka sabdanja: Hai bidoeanda dengan Tan Wati terlaloe amat njenjepla rasanja matakoe mengantoek tinggalla baek mendjaga akoe hendak tidoer kerna tida koeasa aken djaga ini malem maka tidoerla toean poetri dalem peradoean jang kemasan dan bertahtaken ratna menikem, maka setela malem hari sekalijan dajang dajang poen tela poeles tidoer di bawa peradoean toean poetri tiada lagi seorang poen jang sedar dari pada tidoernja maka di tjeritaken oleh jang ampoenja tjerita itoe maka kemala hobatan toean poetri Tjindra sari itoe poen keloearlah seorang poetri Ratnakoemala namanja terlaloe elok parasnja gilang goemilang tjahjanja seperti boelan 14 hari terang tjahja moekanja hampirla melipoeti tjahja toean poetri Maal Djamdjam jang tengah poeles njenjep maka toean poetri Ratnakoemala laloe
