1241
anak radja manakah garangan ini? kaloe kaloe ialah jang ampoenja ikan itoe.
Maka laloe ija berdijem dirinja serta ketakoetannja itoe, laloe habis goemeter segala sendi toelangnja, maka laloe di lihatnja poetri itoe hampir kepadanja, serta toean poetri memeloeken pinggangnja, kerna di sangka soedaranja, katanja: sampe hati dateng rasanja toean pergi ini lambat kembali, beta ini sanget laparnja aken menantiken kakanda.
Setelah Indra Maulana Askandar Sjah itoe melihat toean poetri memeloek, pinggangnja, maka ija mendjadi semingkin sanget takoetnja, serta katanja: mengapa toean memegangkennja pinggang hamba ini dan toean lihat dehoeloe hamba ini boekannja soedara oleh toean poetri.
Maka di tjeritaken dalem hikajat, bahoewa roepanja anak radja dalem negeri Bahroel Alam itoe seperti pinang di belah doewa dengan Indra Maulana Askandar Sjah itoe, sebab tatkala di boentingkennja, maka toean poetri Tjindra Sari sanget bentjinja, pada anak radja Poral Arkan kedoea istrinja, maka itoelah sebabnja roepanja mendjadi sama kedoewanja, betoel seperti pinang di belah doewa, dan sebagi lagi pakeannja poen sama, sehalai poen tida ada jang bersalahan, sebagi tjelananja dan badjoenja dan dastarnja dan badjoe gamisnja dan saboeknja serta koentjir koentjir dastarnja poen sama aken terhoerai di sebelah kanan, maka soewatoe poen tida bersalahan hanja tahi lalarnja djoega ada di sebelah pipinja jang
Soeltan Taboerat
124
