896
Maka segala gandaran radja radja poen terkedjoed, mendenger soewaranja itoe.
Satelah itoe maka penggawa kedoewa itoepoen sama sama berpaloe paloewan den bertangkis tangkisan, den bersama sama mengeloewarken sendjatanja, sama sama tida beralahan kerna samanja perdjoerid lagi bijasa di dalem peprarangan itoe.
Maka tatkala itoe hoeloebalang poen bertemoe samanja hoeloebalang, den mantri bertemoensamanja mantri, den raijat poen bertemoe samanja raijat, maka sama sama aken berhamoek hamoekan.
Adapoen maka antara kedoewa pihak itoe, sama berpaloe paloehan den sama sama banjaknja orang jang mati itoe, den sama banjaknja djoega orang jang loeka.
Satelah itoe maka anak radja memandang kepada Djohan Pahlawan Nasib Berdjaman itoe, maka hatinja bagi di loeroet rasanja, maka tida dapet memandang kepada Djohan Pahlawan Nasib Berdjaman lakoenja itoe.
Satelah itoe maka anak radja poen memanggil anak Djin itoe, serta katanja: Hai soedarakoe apa kah bitjara soedarakoe sekarang, kerna akoe ini tida dapet malihat lakoenja toean poetri itoe; den djikaloe dimikijan rasa hati koe nistjaja akoe ini mendjadi Lalei, den dari pada sebab laleikoe den akoe boenoeh orang tijada ketahoean, kerna dalem perang itoe boekannja moeda, den jang seperti akoe ini ketahwi jang ija perempoean den lagi
