88
Atinja baik sekali soeka menoeloeng dan tjahaja matanja menjataken jang dia soeka berfikiran. Dia poen keras ati dan apa jang di kahendaknja satoe kali tetaplah di pegangnja, orang kaloe liat dia, lantas maoe pertjaja abis padanja.
Ramboetnja itam, tebal, koemisnja masih ketji!, pakeannja tjakep.
Itoe moerid jang kabetoelan lagi beromong sama itoe nona lantas bilang: ,,Nona, ini dia toean Lucien Morel kaloe nona maoe bitjara padanja.
Lucien dateng dekat, memandang itoe nona jang elok.
Dia lantas mengarti jang itoe nona sakit ati sekali maka Lucien lantas poen berkasian sanget padar ja, dia tida berkata apa-apa, dia kasi tabe dengan hormat.
Nona itoe lantas merasa hatinja senang, moekanja jang sedih moelai djadi terang.
Itoe moerid jang tadi lagi beromong sama itoe nona, laloe berkata pada Lucien: „Ini nona maoe bitjara sama toewan Ramel.
Ja, nona, berkatalah Lucien, toean Ramel tida ada di roemab, apa nona tida bole bilang sadja sama akoe, apa nona maoe kataken pada toean Ramel? bole akoe bilangin dia, djadi besok bole kita kirim kabar pada nona.
