81
Tentoe sekali, akoe aken jakinin begitoe.
Akoe poen taoe tentoe jang kau aken selamat dapet taoe semoea, kau sampe pinter, dan ingat djoega oewang delapan miljoen tida kita dapetin sahari hari di djalan.
Njonja Parizot menoendoek.
Na, sekarang soedah tempo aken brangkat.
Kapan kita bertemoean lagi? bertanjalah Parizot.
Ja, lebi lekas lebi baik.
Kau dateng di Grandval?
Apabila ada perloenja, tentoe akoe dateng.
Kita toenggoein kau poenja datengen.
Djadi soedah poetoes ja? kita semoea bermoefakat bekerdja bersama sama aken oeroes kita orang poenja kaoentoengan.
Ja. Ja.
Kita oeroes dengan apa roepa daja oepaja boekan?
Tentoe.
Fourel bilang bagimana kau sekalian poenja pikiran kaloe kita angkat Jaseph Rabiot djadi kita orang poenja kepala dari familie?
Ja, itoe betoel, betoel sekali.
Djadi kau neef Rabiot jang oeroes semoea, kau jang atoer kau jang poetoesin kau prentahken kita jang dengar.
Doktor Maugars
10
