72
neef Joramie? itoe dia si Clara Guerin ? jang djadi ahliwaris jang toenggal ?
Memang !
Wah! bagoes betoel, bisa sekali kau dongeng, berkata Fourel sembari tertawa terpingkel pingkel.
Mbok! mbok! kau moelai djadi gila, berkatalah si Soeami.
Joseph Rabiot angkat angkat poendak.
Njonja Parizot bilang, akoe mengarti sekali jang kau kira akoe dongeng, tentoe sekali kau, misti heran. Tetapi akoe tida gila dan kau tida oesah angkat angkat poendak Joseph. Itoe baboe, itoe si sedih boekan orang laen dialah Clara Guerin ahliwaris dari Joramie.
Orang orang semoea tertjengang.
Bermoefakatan.
Tida brapa lama berkatalah Joseph. Rabiot:
Kaloe betoel sebagimana ku poenja tjerita asli, kabetoelan sekali tjoema akoe kepingin taoe terang apa jang membikin angkau mendoega begitoe keras.
Akoe nanti tjerita. Tida lama sesoedahnja kita orang bertempat di itoe tanah, akoe bikin beresih semoea moeanja Akoe bikin bresi satoe lemari jang ada di sitoe, Dalem itoe lemari di sebelah atas ada
