6
laenken dia poenja sobat jang paling baik, dan satia padanja, itoelah jang di trimanja di dalem roemah.
Joramie semangkin hari semangkin bersedih ati dan orang semoea kira jang dia sedih itoe dari sebab kematian isteri, orang sampe poedji betoel padanja jang dia begitoe tjinta isterinja; kasian, orang-orang itoe jang salah doega.
Betoel lantaran kebagoesannja Cesarine sampe Joramie loepain Clara bebrapa taon lamanja, tetapi sekarang sesoedahnja itoe istri mati dan di ketahoei djoega apa perampoean itoe maka terlebi lebi keras lagi di rasainnja tjintanja pada Clara.
Soenggoe Clara sendiri jang dia tjintain dengan soetji ati, Clara jang telah di oesir oleh orang toeanja sebab mengandoeng boewah tjintanja, dia itoelah jang paling dia tjintain.
Ach dia, Joramie jang djadi lantaran sampe Clara menanggoeng maloe dan soedah merasa melarat dengan sengsara.
Apakah goenania sekarang oewang berpoeloe miljoen jang dia koempoel bertaon taon Apa sekarang maoe di bikin dengan oewang itoe? Dia ada poenja sanak orang orang jang tjoema baik padanja sebab ada pengharepan boeat mendapet bagian dari kewa-
