56
kantornja Joramie di medja besar, ia soeroeh panggil Joseph Rabiot bersama misanannja semoea boedjang boedjang dan toean Cordier. Clement memang soedah di soeroe sediain korsi banjak banjak di kantor itoe soepaja semoea bisa doedoek.
Srenta semoea soedah doedoek maka notaris angkat moeka memandang satoe satoe orang jang ada berhadlir di sitoe abis katanja pada secretarisnja toean Joramie ia itoe Henri Cordier:
„Apa toean jang simpen kontji kontji dari lemari besi?
Tida toean!
Mana dia itoe kontji kontji?
Djawab Clement Baudoin barangkali ada di kantongnja toean Joseph Rabiot.
Kaloe soeka kasi akoe itoe kontji kontji toean Rabiot.
Dia ini ada sedikit maloe tempo dia di pandang oleh misanan misanannja jang sekali kali tida pertjaja padanja, dia keloearin itoe kontji kontji dari kantongrja di serahkennja pada toean notaris.
Maka katanja:
„Njonja njonja dan toean, memang menoeroet kahendaknja jang meninggal maka kita misti moelai boeka lemari besinja doeloe, di sitoe ada tersimpen
