54
Kenapa tida toewan?
Astaga, ingatlah Ambroise hal ini soedah kedjadian ampat poeloe lima taon lamanja bagimana kita bisa tjeri keterangan.
Apa jang angkau kata semoea benar, tetapi kita misti fikir jang toean Joramie sendiri bilang dalem soeratnja, bahoea toean aken terlebi beroentoeng, toean di berkatken Alla taala maka tentoe toean aken bisa dapet keterangan. Ini malem akoe soeda maoe moelain tjari.
Tida bise, kita misti toenggoe lagi sepoeloe atau doea belas ari. Itoe akoe poenja sebab. Semantara itoe kita bole bersedia sedia. Biarlah kita sering bertemoean satoe sama laen boeat membitjarain ini hal. Kendati poen toean Joramie soedah pegi djoega tjari di Bourgneuf dan di Bourgvoisin baiklah kita bermoela moela tjari keterangan di sitoe barangkali djoega soerat soerat kabar bisa toeloeng sama kita sebab djaman sekarang ini kendati di kampoeng kampoeng ada orang jang batja soerat kabar.
Toean Joramie tentoe djoega soedah tjoba tjari sama soerat kabar.
Ja tentoe, tetapi tempo doeloe laen dari djaman sekarang di mana mana tempat orang batja soerat kabar.
