51
boeka soeratnja, boeninja seperti soeatoe soerat jang di toelis oleh satoe sobat kepada sobatnja jang laen pada waktoe ia soedah sakit begitoe sanget sampe bole di oepamain jang dia soedah ada di hadepan malaikat maoet. Dalem itoe soerat ia boeka rahasia kahidoepannja.
Bagian besar dari itoe soerat menghabarken kahidoepannja bersama Clara queren, satoe anak prawan moeda jang elok dan tjantik, jang tinggal doea paal djaoehnja dari Joramie poenja roemah di kota Bourgnenf roemahnja Clara di kampoeng Bourg voisin bersama sama orang toeanja dan sahari hari ia pegi ke kota boeat beladjar bekerdja pada Batoe njonja toekang pakean.
Ketjintaannja Joramie pada Clara soenggoe ati sekali lagi teramat sanget tjintanja. Apa jang kedjadian lantaran tjintanja itoepoen soedah ketaoean sehingga Clara poenja orang toea oesir pada Clara pegi dari roemah. Joramie soedah pegi di Amerika boeat bekerdja di sana soepaja bisa simpen oewang aken ia kawin Aken memegang rahasia katjintaanitoe maka dia orang tida bertoelisan soerat. Liwat ampat taon Joramie poelang baroelah dia dapet taoe semoea, dia dengar jang Clara di oesir papanja dan sedari itoe tempo tida kadengaran apa apa agi dari dia.
