3
taon, itoe nona baroe toedjoe bilas. Dia tjinta itoe nona, dan itoe nona poen djoega tjinta sanget padanja, dia orang masih begitoe moeda, masih pendek pikiran, melaenken ingat oentoeng senang jang sebentaran sadja di dalem ati.
Pada soeatoe bari dia di panggil oleh seorang teman dari familienja. Dia misti pegi djaoeh, apa bole boeat dia dapet pekerdjaan bagoes ada banjak pengharepan aken madjoe betoel, dia pegi djadi djoeroetoelis nommor tiga di kantor notaris.
Ach tempo dia pegi ambil selamat tinggal dari dia poenja Clara jang toenggal, jang tida kedoeanja di dalem doenia, adoeb, antjoer hati di dalem. Katanja pada Clara ketjintahannja:
„Ach djanganlah sedih Clarakoe, akoe nanti poelang kombali”.
Ja, ja, angkau tentoe poelang, tentoe, akoe taoe sebab akoe teramat tjinta padamoe.
Ach ketjinta-an djiwakoe djangan koeatir. Kedoea bertangis tangisan, dia orang berpelokan, laloe bertjereilah kedoea orang jang teramat bertjintahan.
Liwat ampat taon dia kombali. Dia soedah djadi djoeroetoelis nommor satoe dari notaris di New York, dan soedah ada aandeel-aandeel dalem pekerdjaannja itoe notaris, ia soedah ada oewang simpenan sedikit.
