16
Betoel djoega toean poenja tjerita.
Apa di blakangkali toean Joramie tida bikin soerat laen, dia tida toelis toelis.
Tida, semoea soerat soerat dia soeroeh akoe toelis. Ada satoe tempo, waktoe dia masih koewat djoega, dia ada bekerdja toelis toelis sendirian tiga hari lamanja, dia tinggal sadja dalem kamar, tida satoe orang boleh ada bersama sama, dia lagi bikin betoel dia poenja boekoe boekoe. Toean taoe sendiri laen dari dia tida taoe begimana keadaan harta bandanja dalem boekoe boekoe jang tersimpan dalem lemari besi.
Ja, ja, akoe taoe.
Dari itoe poen biar bagimana akoe tida bisa bilang tetap dia poenja harta kekaja-an ada sekejan.
Tida mengapa, nanti djoega kita taoe boekan? Apa toean Joramie sering trima tetamoe?
Wah, djarang sekali, tjoema toean graaf de Soleure dateng satoe kali sadja.
He! graaf de Soleure, akoe tida kenal itoe orang.
Itoe toean djoega sobat keras sekali dari toean Joramie.
Apa dia sering dateng kemari?
Selamanja akoe ada di sini tjoema satoe kali akoer liat dia dateng.
