124
loe. Boekan sadja kau tida ada poenja kasian sama orang, tetapi kau maoe bikin boesoek djoega orang tjilaka, poenja nama. Soelah, toetoep moeloetmoe djangan omong lebi pandjang akoe tida soedih dengar lagi soearamoe jang teramat hina. Kasi sini kwitansie roemah, akoe maoe pegi lebi djaoeh.
Kwitansie? berkatalah Rabiot jang marah dan maloe sebab di katain begitoe sanget oleh satoe anak moeda tetapi dia takoet omong pandjangan maka katanja poela: „Akoe tida biasa trima sendiri oewang sewahkoe akoe serahken itoe pada orang pendjaga pintoe.
Acb, kenapa kau tida bilang dari tadi tadi, akoe tida oesah dengarin omonganmoe jang seperti orang gila.
Lucien ambil topinja teroes keloear, dia tida kasi tabe sama Rabiot, jang tinggal sendirian dengan marahnja.
Poekoel setengah doea belas Lucien poelang di kamar kerdjanja.
Moerid moerid jang laen lagi bekerdja senang.
Tempo dia masoek teman temannja bilang: „Toean Lucien, brapa kali soedah di tjari toean Georges Ramel.
Toean Ramel ada di dalem?
