109
Toean Roemah
Abis makan, njonja Lureau pegi tidoer sedikit.
Eugenie abis bebenah lantas ambil barang barang tiesian.
Dia tjoba bekerdja, tetapi tida bisa begitoe tjepat, roebal dia poenja pikiran ada melajan di laen tempat. Dia memikirin mamanja poenja perkataan tetapi dia tida bisa pertjaja jang Lucien Morel begitoe djahat.
Sama sekali kedengeran orang ketok pintoe.
Eugenie boeka pintoe, datanglah perampoean pendjaga pintoe besar.
Eugenie kasi tanda dengan djarinja di bikin aken djangan banjak omong sebab mamanja tidoer.
Maka itoe perampoean berbisik bisik, katanja:
Toean roemah ada di bawah di kamarkoe dia maoe bitjara padamoe.
Ach, dia boekan taoe. . . . .
Ja dia taoe, tetapi dia maoe djoega naik, maoe ketemoe non poenja mama, tetapi akoe tahan.
