105
bawa sadja ke roemah toekang emas tentoe dia maoe kasi delapan atau sepoeloe frank. Beliin makanan dengan anggoer satoe botol, kau poenja roepa begitoe poetjet dan lemas, satoe boelan lamanja kau tida minoem angger. Lekas pegi anak akoe poen djoega lapar.
Ach boekoe jang tertjinta, ini hari non tida pegi disatoe toke, Non pegi di laen tempat. Non ada niat apa apa tetapi itoe tida baek dan non poen tida dapet. Kendati begitoe djoega dalem gelapnja kita poenja soesah dan melarat, ada djoega sinarnja keslametan dan kagirangan sedikit jang bertjahaja.
Apa, anak, apa itoe? tjoba tjerita.
Ja mama barangkali mama nanti marah sama non. Belon taoe non berboeat apa di blakang blakang mama dan belon taoe non semboeni boeni, tetapi kemaren non tida tjerita sama mama jang non ada ketemoe non poenja temen lama, Fernande namanja dan non djoega tida tjerita apa jang tadi pagi non bikin. Mama djangan marah ja?
Di manakah kau pegi?
Non nanti tjerita mama.
Abis ia tjerita apa dia omong sama Fernande.
Djadi kau pegi ke roemahnja itoe toekang loekis gambar? bertanja njonja Lureau.
Doktor Maugras
18
