— 91 —
D'Artagnan, Porthos dan Aramis boeroe ka medja, sedeng iaorang poenja tangan pegang masing masing poenja pedang.
Tjoema Athos saorang tinggal doedoek diam dengen berpikir.
,,Kau bilang ia menjaroe sebagi satoe padri, Grimaud? menanja Athos.
— ,,Ja, sebagi satoe padri dari kaoem Augustyner."
— ,,Begimana roepanja ?"
— Menoeroet toean roema matan poenja tjerita, pengawakannja ampir sama dengen akoe; badannja koeroes, moekanja poetjet, ramboetnja koening mas dan matanja biroe."
— ,,Apa.... ia soeda dapet liat Raoul ?"
— ,,Ia soeda ketemoe satoe pada laen dan djoestroe burggraat sendiri jang anter ia pada itoe algodjo.
Athos berbangkit dari tempatnja dan pegang djoega ia poenja pedang
,,He, toean toean," kata d'Artagnan jang tjoba boeat ketawa, ,,apa kau taoe, kita ini berlakoe sebagi nona nona moeda? Begimana kita ampat orang jang brani menjerang moesoe poenja balatentara, kenapa kita moesti gemeter boeat satoe anak anak?"
,,Ja, moesti," kata Athos, kerna itoe anak dateng atas namanja Allah.
— — — —
VIII.
Di djalanan Saint Jacques ada satoe klooster dari kaoem Karmalieten dan pada itoe satoe pagi djem sablas nona nona padri baroe abis sembajang boeat minta pada Allah, soepaja balatentaranja Radja Karel I dari negri Inggris bisa kalaken moesoenja. Sedeng nona nona padri
