— 76 —
Djem sembilan malem hawa oedara djadi glap betoel, tapi dari djaoe ada keliatan sinar api menjala, jaitos tjahjanja api dari roema roema di Lens jang soeda kena atawa sengadja dibakar. Sedeng hawa oedara glap prins de Conde pergi sampe deket moesoe poenja tempat boeat intip iaorang poenja keada'an.
Sapoelangnja dari deket tempat moesoe prins lantes atoer sendiri balatentaranja; maarschalk de Grammont kepalaken barisan jang sebla kiri dan dapet bantoean dari generaal Mericourt; hertog de Chatillon kepalaken barisan di sebla tenga, sedeng barisan sebla kanan jang aja deket Aunay, jaitoe tempat jang pernanja paling deket pada moesoe dikepalaken oleh prins de Conde sendiri.
Itoe malem djoega balatentara sosda berpisa sebagimana soeda diatoer dan besok pagi masing masing moesti madjoe dari iaorang poenja tempat. Sekalian orang dipesen, soepaja djangan bikin riboet.
Pada djem sapoeloe malem prins de Conde pergi preksa boeat liat apa sekalian prentanja soeda didjalanken dengen betoel.
Pada officier officier jang kapalaken barisan dipesen boeat tilik dengen betoel, apa sekalian soldadoe djalanken apa jang soeda diprenta. Jang dianggep sanget penting jaitoe hal madjoenja balatentara, barisan koeda dan barisan jang djalan kaki moesti djalan beroentoen, iaorang moesti madjoe dengen plahan sadja, dan sengadja moesti dibikin, soepaja moesoe moelai tembak lebi doeloe,
Prins de Conde prenta, soepaja graaf de Guiche toeroet pada ajahnja, tapi Bragelonne toeroet pada toean prins; tapi ini doea orang
