— 51 —
boeka dan lompat kaloear, teroes lari pergi di stal, naek kaldaenja jang ia lantes kasi lari kras. Di satoe tempat soenji ia boeka pakean padri den toekar dengen pakeannja saorang jang biasa toenggang koeda, ia djalan teroes sampe di satoe post jang paling deket, di mana ia minta sewa koeda dan lentes teroesken perdjalanannja.
V.
Grimaud tinggal berdoea dengen jang loeka ; toean roema makan pergi minta pertoeloengan, sedeng istrinja doedoek sembajang.
Berselang bebrapa lamanja jang loeka boeka lagi matanja.
„Toeloeng!“ ia kata: „toeloeng, o, Allah, apa akoe moesti tinggal saorang diri dan tiada ada satoe sobat dateng deket pada waktoe akoe moesti poetoes djiwa?“
Dengen soesa ia angkat tangannja sampe di ia poenja dada; djeridjinja kena langgar gagang dari itoe pedang.
„O!“ ia kata sebagi satoe orang jang dapet inget kombali satoe perkara.
Kamoedian tangannja djato lagi ka sampingnja.
„Besarken kau poenja hati,“ kata Grimaud, „orang lagi pergi minta pertoeloengan.“
„Siapa kau?“ menanja algodjo dengen boeka matanja sampe besar.
„Kenalan lama,“ kata Grimaud.
„Kau ?“„“ kata itoe algodjo jang tjoba boeat inget kombali moeka jang ia awasin tiada brentinja.
„Pada waktoe apa kita soeda ketemoe satoe pada laen ?“ ja menanja
