— 420 —
perkata'an, Athos dan Aramis dengen pedang terhoenoes di tangan djalan kaloear, tapi lantaran tipoenja d'Artagnan tiada ada orang tjega ini doea orang jang maoe lari.
„Orang tangkepan lari !Orang tangkepan lari!“ treak itoe sergeant,
„Tahan! tahan! treak d'Artagnan jang lantes lepas koedanja lari hingga bebrapa soldadoe kena ditoebroek djato kalang kaboet.“
„Stop! stop!“ treak itoe soldadoe soldadoe dengen boeroe ambil iaorang poenja sendjata.
Tapi Athos dan Aramis soeda ada di atas koeda, iaorang tiada bikin ilang tempo lagi dan lantes kasi lari koedanja dengen kras menoedjoe ka pintoe kota jang paling deket. Di tenga djalan iaorang ketemoe Grimaud dan Blaisois jang tjari iaorang poenja toean.
Athos kasi tanda dengen tangannja, hingga itoe doea pengikoet lantes toeroet boeroe dari blakang. D'Artagnan jang djalan paling blakang angsiken koedanja. Sigra iaorang soeda kaloear dari pintoe kota dan ada di tenga tenga lapangan.
Soldadoe soldadoe masi djoega bertreak: „stop! stop!“ sedeng sergeantnja jang telah doega soeda kena ditipoe garoek garoek kepalanja.
Tiada lama poela saorang naek koeda dengen pegang sapotong kertas soeda sampe di itoe tempat. Ia itoe ada Mordaunt jang balik dengen bawa soerat dari generaal Cromwell.
„Mana itoe orang tawanan ?“ ia menanja dengen lompat dari koedanja.
Sergeant tiada brani kata satoe apa, ia oendjoek sadja pintoe jang terboeka dan kamar jang soeda kosong.
