— 417 —
istal, ia liwat di tempat jang didjaga oleh soldadoe soldadoe jang melaenken awasin padanja dan kagoem liat ia poenja pengawakan tegap dan besar. Di tikoengan ia ketemoe Mousqueton jang ia kasi tanda boeat toeroet padanja.
Dengan bersoeit d'Artagnan djalan masoek ka dalem.
„Athos,“ kata d'Artagnan, „akoe soeda pikir lagi apa jang kau telah berkata baroesan dan akoe dapet kenjata'an apa jang kau soeda bilang ada betoel, akoe menjesel telah ketarik tjampoer dalem ini perkara. Kau bilang Mazarin ada satoe djahanam, itoe djoega betoel. Sekarang akoe niat boeat toeroet lari dengen kau. Djangan banta lagi; kau orang moesti sedia; kau poenja sendjata ada dipodjok kamar, djangan loepa itoe pekakas jang kita sanget perloe pake. Akoe djadi inget djoega pada kantongnja Porthos. O, itoe dia.“
D'Artagnan kasi masoek kantong oewang dalem sakoenja, sedeng ia poenja doea sobat awasin padanja dengen bengong.
— „Kenapa, kenapa kau orang djadi heran? Tadi akoe masi bingoeng, sekarang itoe perkara soeda djadi terang pada akoe. Mari sini.“
Athos dan Aramis hampirken padanja.
„Kau liat itoe djalanan ?“ kata d'Artagnan; „di sana kita poenja koeda soeda sedia; kau kaloear dari pintoe, belok kiri, naek koeda dan soeda beres; tiada perloe kau pikir laen laen perkara, melaenken perhatiken sadja tanda jang akos nanti kasi. Itoe tanda akoe kasi djikaloe akoe treaken: „Ja Allah !“
„Akoe ingin kau soempa doeloe, d'Artagnan, jang kau nanti toeroet sama sama,“ kata Athos.
