— 399 —
dan jang akoe soeda minta, dari wates ini waktoe antara kita tiada ada peritoengan lagi."
Dengen sanget senang hatinja Mordaunt djalan kaloear dari tenda
Cromwell masi tinggal awasin padanja.
,,Ia telah boenoe ja poenja oom! kata Cromwell dengen swara plahan. Tjilaka, menoesia spa toch itoe orang, semoea djabat tiada ada jang baek hati boedinja. Brangkali ini satoe jang tiada minta satos apa dari akoe, soeda minta barang jang berharga lebi besar dari pada harganja mas dan pangkat pangkat jang laen laen orang soeda minta dari akoe; tiada satoe menoesia djalanken akoe poenja prenta dengen tiada minta dioepa. Karel Stuart jang djadi akoe poenja tawanan brangkali masi ada sobatnja, tapi akoe tiada ada poenja satoe sobat. Seabisnja berkata begitoe Cromwell doedoek lagi di korsinja dengen berpikir.
— — — —
XXX.
Sedeng Mordaunt pergi berdjoempa pada Cromwell, d'Artagnan dan Porthos bawa iaorang poenja tawanan ka satoe roema di New Castle, jang lebi doelos soeda dibikin sedia boeat iaorang menginep.
D'Artagnan telah dapet liat Mordaunt berbisik pada ia poenja sergeant, maka dengen matanja la kasi tanda pada Athos dan Aramis, soepaja iaorang tinggal ati ati, oleh kerna itoe iaorang tiada bitjara satoe apa dan toeroet sadja di mana iaorang dibawa, apapoela lantaran laorang pikirken Radja Karel poenja oeroesan, djadi lebi gampang iaorang berlakoe begitoe.
Tjoema Mousqueton saorang sadja jang djadi
