— 260 —
„Apa akoe moesti bilang pada itoe orang banjak ?" menanja maarschalk.
„laorang moesti sabar doeloe," kata Sri Ratoe, „akoe jang ada poenja kemaoean, akoe !"
Itoe soeara prentahan di kaloearken dengen kras, hingga maarschalk tiada brani berkata satoe apa lagi; ia manggoet dan djalan.
D’Artagnan berdiri di hadepan Porthos dan Kata:
„Begimana nantinja ini perkara ?"
„Toenggoe sadja dan kita nanti dapet taoe," kata Porthos dengen soeara sabar.
Ratoe Anna hampirken Comminges, pada siapa Sri Baginda bitjara dengen soeara plahan. Mazarin awasin toedjoean di mana d’Artagnan dan Porthos ada berdiri, moekanja Keliatan sanget koesoet.
Toean toean dan njonja njonja jang laen berbisik satoe pada laen.
Dengen kaget pintoe di boeka dan maarschalk dateng masoek, di blakangnja ada toeroet coadjutor.
„Njonja,“ kata maarschalk, „toean Retz de Gondy dateng mengadep boeat trima Sri Baginda poenja prenta.”
Sri Ratoe madjoe bebrapa, tindak toedjoean coadjutor, kamoedian ia diam berdiri dengen moekanja keliatan bengis, tetep tiada sekali bergerak dan bibirnja didjebleken. sedikit.
Coadjutor manggoet renda.
„Apa kau bilang dari ini keribootan, toean?" berkata Sri Ratoe.
„Boekan keriboetan lagi, njonja," kata coadjutor, „ini perkara soeda djadi satoe pembrontakan."
„Perkata’an brontak tjoema di pertjaja oleh
