— 239 —
blon terlaloe toea boeat diprenta kerdjaken sala satoe perkara."
Itoe koetika soeda djem poekoel stenga sapoeloe dan boeat pergi dari astananja coadjutor sampe di gredja Saint Jacques la Boucherie moesti ambil tempo stenga djem lamanja, maka coadjutor lantes djalan kaloear. Sesampanja deket itoe gredja ia dapet liat ala sinar api di mertjoe jang paling atas.
,,Itoe orang ada di tempatnja," kata coadjutor dalem hatinja. Coadjutor ketok pintoe gredja. Pengoeroes gredja roepa roepanja soeda menoenggoe ia poenja dateng, maka pintoe lantes diboeka dan itoe pengoeroes bawa satoe lentera sampe di atas mertjoe. Sesampenja di atas itoe pengoeroes oendjoeken satoe pintoe, taro lentera di pinggir tembok boeat coadjutor toeroen dan ia sendiri toeroen lebi doeloe.
Maski itoe pintoe tiada dikoentji coadjutor ketok lebi doeloe.
Masoek!" kata satoe soeara jang ia kenalken sebagi soearanja Maillard.
Coadjutor masoek dan ia dapetken itoe pengemis ada dalem itoe kamar mertjoe lagi reba di atas roempoet kring.
Koetika ia dapet liat coadjutor ia berbangkit.
Lotjeng berboen ji djem poekoel sapoeloe.
"Begimana!" kata coadjutor, ,,apa kau soeda pegang kau poenja perdjandjian ?"
,,Tiada betoel sama sekali," kata Maillard.
— ,,Kenapa ?"
— ,,Kau soeda minta pada akoe lima ratoes orang, betoel apa tiada ?"
— ,,Ja, abis ?
— ,,Akoe kira ada lebi dari doea riboe."
