— 233 —
jang ia maoe pergiken dan ia soeda balik kombali di astananja.
Pada djem poekoel anem orangnja kabarken, pastoor dari Saint Merri soeda dateng.
Coadjutor lantes longok ka sebla blakang dan dapet liat, di blakangnja itoe pastoor ada toeroet satoe orang.
Itoe pastoor djalan masoek dengen Planchet.
„Monseigneur,“ kata itoe pastoor, „ini dia itoe orang jang akos soeda djandjiken.“
Planchet kasi hormat sebagi satoe orang jang biasa bergaoelan di antara orang orang bangsawan.
„Apa kau soeka bantoe ini gerakan ?“ menanja coadjutor.
„Soeka sekali,“ djawab Planchet, „akoe sasoenggoenja ada satoe frondeur. Sebagimana Monseigneur taoe, akoe soeda dipoetoesken boeat dihoekoem gantoeng.“
—„Boeat perkara apa ?“
—„Akoe rampas dari soldadoenja Mazarin saorang bangsawan jang iaorang maoe bawa lagi ka Bastille, di mana itoe orang soeda ditoetoep lebi dari lima taon lamanja.“
—„Siapa namanja?“
—„O, Monseigneur tentoe kenal padanja, ia ada graaf de Rochefort.“
O, ja akoe taoe denger itoe perkara, kata coadjutor; kau soeda bikin riboet seantero wijk.“
—„Boleh djadi ada begitoe roepa, kata Planchet dengen soeara girang.“
—„Apa kau poenja pakerdja'an ?“
—„Bikin koewe koewe di Lombardstraat.“
—„Tjoba kau kasi ketrangan, begimana kau jang ada poenja pakerdja'an begitos, boleh ada
