— 223 —
perhoeboengan padanja. Doea djem kamoedian soeda berkoempoel di roemanja tiga poeloe padri padri dari bebrapa tempat di kota Parijs, di mana pendoedoeknja telah menjataken koerang senang hatinja pada pamerenta.
Retz kasi tjerita, begimana ia soeda dihinaken di astana dan tjeritaken djoega apa jang Beautin, graaf de Villeroy dan Maarschalk de la Meillera e soeda sindir paranja. Itoe padri padri tanja, apa iaorang moesti berboeat boeat bales itoe perkara.
„Itoe ada sanget gampang," kata coadjutor, kau orang djadi pemimpin dari iaorang poenja pikiran, kasi inget pada iaorang boeat boeang itoe adat kebiasa'an, menoeroet sadja apa Radja poenja maoe; bilang pada orang orang jang biasa denger kau berpidato, Ratoe Anna ada satoe Ratoe jang tiada sekali perdoeliken rahajat negri poenja soesa, maoe senang sendiri sadja, dan siarken, soepaja seantero negri Frans dapet taoe, itoe Mazarin, soeaminja Ratoe, ada itoe orang jang bawa kita poenja Ratoe ka djalanan jang sesat dan itoe Mazarin djoega jang djadi lantaran kita poenja negri ada dalem kesoesahan jang ada pada ini waktoe. Ini hari, ja sekarang djoega, akoe ingin kau orang moelai dengen ini perkara dan tiga hari kamoedian kau moesti kasi rapport, begimana rahajat negri pikir dari ini perkara. Djikaloe antara kau orang ada jang maoe kasi sala satoe pikiran pada akoe, biar ia bitjara dan akoe nanti denger padanja."
Tiga padri tinggal menoenggoe, jaitoe toean toean padri dari Saint Merri, Saint Sulpice dan Saint Eustache, jang lantes brangkat.
,,Kau orang ada pikiran boeat toeloeng akoe
