— 220 —
pada itoe coadjutor dan orang orang djadi ketawaken lagi padanja.
Coadjutor manggoet dan djalan kaloear, sedeng Kardinaal jang awasin padanja ia soeda deliken matanja, sebagimana biasanja orang orang jang bermoesoe kras biasa awasin satoe pada laen. Matanja soeda mengantjem begitoe kras pada Mazarin, hingga ini Kardinaal soeda djadi merasa kwatir dan dengen tjepet ia pegang tangannja d'Artagnan dengen berkata:
Kaloe sampe djadi keriboetan, toean, kau tentoe nanti kenalken roepanja itoe toean jang baroesan djalan kaloear, bisa apa tiada ? ,Ja, Monseigneur," menjaoet d'Artagnan. Pada Porthos ia kata:
Setan! ini perkara boleh djadi koerang baek, akoe tiada soeka pembesar pembesar agama dapet tjidra satoe pada laen."
Retz djalan dengen angkoe sampe di loear, tapi sablonnja ia kaloear betoel dari astana ia balik tengok lagi ka dalem dan kata:
Orang koerang trima, tiada kenal pada kasetia'an, hatinja sanget hina, besok akoe nanti bikin kau orang ketawa, tapi ketawa laen matjem!"
Sedeng orang rame bitjaraken itoe perkara dan bikin Ratoe Anna djadi lebi senang lagi pikirannja, Mazarin jang selaloe berlakoe sanget ati ati tiada maoe boeang temponja dengen bitjara kosong sadja. Seabisnja coadjutor kaloear ia lantes balik ka kantoornja, di mana ia preksa la poenja boekoe kas, simpen oewangnja dan panggil bebrapa toekang batoe boeat bikin bebrapa tempat simpen oewang dengen resia, soepaja tiada gampang orang dapet tjari.
Koetika coadjutor sampe di roemanja ia dapet
