— 199 —
„Toeloeng! toeloeng !“ treak Nanette
„Amoek!“ treak Friquet, sedeng apa sadja jang ia bisa dapet ja lemparken pada itoe soldadoe soldadoe.
„Atas namanja Radja!“ treak Comminges.
„Siapa jang brani dateng deket akoe, djiwanja tiwas!“ treak itoe anak moeda jang lantaran rasa dirinja soeda kena dikepoeng, telah kasi rasa ia poenja oedjoeng pedang pada saorang jang pengawakannja tinggi besar; ini orang lagi maoe kemplang pada itoe anak moeda, tapi koetika dapet loeka lantes moendoer.
Itoe anak moeda ada Raoul, jang menoeroet ia poenja perdjandjian pada graaf de la Fere, sasoedanja pergi lima hari lamanja balik ka Parijs sekalian lantaran ia ingin liat itoe oepatjara sembajang besar. Ia soeda ambil djalanan jang paling deket menoadjoe ka Notre Dame, tapi sesampenja di Cocatrix straat ia kepaksa toeroet djalan dengen orang banjak jang menoedjoe ka tempat, di mana iaorang denger swara treakan minta pertoeloengan. Di sana ia denger itoe treakan „Atas namanja Radja,“ ia lantes inget pasenannja Athos, ia haroes berboeat sekalian perkara boeat kaperloean Radja, maka ia sigra madjoeken koedanja boeat toeloeng soldadoe Radja jang lagi maoe dianiaja oleh rahajat negri.
Comminges sama djoega lemparken Broussel ka dalem kreta. Itoe koetika ada kadengeran swara tembakan dari satoe snapan; pelornja temboes liwat di topinja Comminges dan bikin loeka tangannja satos soldadoe. Comminges menengok, ia dapet lat moekanja Louvieres jang ada di betoelan djendela.
„Baek toean,“ kata Comminges, „kau
