— 144 —
itoe anak soeda bikin Athos loepa sama sekali perkara jang ada dalem pikirannja; roepa roepanja Athos rasa dirinja sanget beroentoeng, ia blon taoe rasaken begitoe beroentoeng sebagi pada itoe waktoe.
„Djadi kau soeda toeroet maloemken itoe peprangan besar dan ambil bagian dalem itoe perkara, Bragelonne ?“ menanja Athos.
—„,Ja toean.“
—„, Jaorang bilang?“ berklai sanget heibat, kau bilang?„
—„Sampe sablas kali toean prins sendiri kepalaken barisan boeat menjerang pada moesoe.
—„Ia ada satoe panglima prang jang pande, Bragelonne.“
—„ Ia sanget gaga, toean, akoe tiada brentinja awasin padanja. O! soenggoe bagoes bernama Condé dan bisa bikin namanja sampe begitoe tersohor!“
—„Ia selamanja tinggal sabar dan angker keliatannja, betoel apa tiada ?“
—„Ia tinggal sabar sebagi ia ada bikin parade dan boekan lagi maloemken prang dan tinggal kotjak sebagi ia ada dalem satoe pesta. Kita orang soeda diprenta boeat madjoe ka depan moesoe dengen djalan plahan sadja serta tiada dikasi menembak lebi doeloe. Dengen begitoe kita orang hampirken moesoe jang ada di atas satoe boekit, sedia boeat menembak. Koetika kita soeda dateng kira kira tiga poeloe tindak lagi djaoenja dari moesoe, toean prins jang ada djalan sebla depan balik koedanja dikasi mengadep pada balatentaranja dan ia kata: „Anak anak, boeat sakedjep sadja kau moesti tahan tembakan moesoe; tapi djangan kwatir, seabis-
