— 131 —
Koetika kadengeran, dalem soerat ada ditoelis graaf de Gu'che poenja djiwa soeda ditoeloeng oleh Raoul, ini anak moeda lantes awasin moekanja prinses Henriette dan ia dapet liat matanja itoe prinses bertjahja sebagi maoe mengoetjap trima kasi padanja. Soeda tiada bisa disangkal lagi, poetrinja Radja Karel 1 ada tjinta ia poenja sobat.
„Di Lens orang Fraus soeda kalaken moesoenja!” kata Permisoeri, „di ini negri orangnja masi beroentoeng, ia orang masi bisa menangken moesoenja! Ja, apa jang Maarschalk de Grammont toelis ada betoel, itoe perkara nanti bisa roba kekaloetan dalem ini negri, tapi boeat akoe poenja oeroesan akoe kira tiada bergoena satoe aja. Ini kabar baroe sampe dan akoe mengoetjap trima kasi pada kau, toean, sebab soeda perloeken bawa ini kabar pada akoe; djikaloe tiada, brangkali bebrapa hari kamoedian sasoedanja seantero kota Parijs dapet taoe, akoe nanti baroe denger ini kabar.”
„Njonja,“ kata Raoul, „astana het Louvre ada tempat kadoea, di mana ada dikabarken dari hal kamenangan prang; di loear blon ada satoe orang jang taoe ini perkara dan akoe telah soempa pada graaf de Guiche boeat bawa ini soerat lebi doeloe sablonnja akoe berdjoempa pada akoe poenja voogd.”
„Apa kau poenja voogd namanja Bragelonne djoega, sebagi kau?" namanja Lord de Winter, „doeloe akoe ada kenal padanja. Apa ia masi ada?”
„Tiada toean, ia telah meninggal dan dari itoe toean Bragelonne akoe poenja voogd telah dapet waris ia poenja tana dan gelaran jang sekarang akoe dapet pake,” menjaoet Raoul.
