— 102 —
biasa berpikir, ,,mari kita pergi dan akoe harep, Allah panti denger kau poenja perminta’an."
Permisoeri naek kreta jang ditarik oleh doea koeda, sedeng de Winter naek koedanja dan lariken di samping kreta.
IX.
Sedeng Permisoeri Inggris baroe maoe brangkat dari klooster boeat pergi di Palais Royal, di depan itoe astana soeda sampe satoe anak moeda dengen toenggang koeda. Ia toeroen dari koeda, hampirken satoe pendjaga dan kasi taoe, ia ada bawa satoe kabar penting boeat Kardinaal Mozarin.
Maski Mezaria sanget kwatirken orang nanti berboeat djahat padanja, ia perloe trima kabar dari mata matanja, hingga djadi gampang djoega orang dateng padanja. Itoe orang soeda liwatken doea pintoe dan pada pintoe katiga ia kasi taoe pada pendjaga, ia ingin ketemoe pada Kardinaal Mazarin.
,,Djalan teroes,“ kata soldadoe pendjaga dengen tiada menengok legi, kerna ia sedeng maen kartoe dengen kawannja.
Itoe orang masoek lagi satoe pintoe, jang didjaga oleh barisan musketer dan satoe deurwaarder. Di sana ia kasi taoe lagi maksoednja.
,,Apa kau ada dapet soerat panggilan?" menanja deurwaarder pada itoe orang.
—,,Akoe ade bawa satoe soerat, tapi boekan dari Kardinaal Mazarin."
—,,Masoek dan minta bitjara pada toean Bernouin."
Itoe orang masoek lagi di laen kamar.
Satoe kabetoelan lagi berdiri deket pintoe
