— 35 —
— ,,Tapi begimana dari kau poenja kawan; apa akoe moesti tjerita djoega dari iaorang?"
— ,,Kawan jang mana ?"
— ,,Athos, Porthos dan Aramia. Kau toch blon loepa pada iaorang?"
— ,,Ampir."
— ,,Apa iaorang kerdja sekarang?"
— ,,Akoe tisda dapet taoe itoe perkara."
— ,,Begitoe !"
Ja apa maoe dikata ! ja; sebagimana kau taoe, kitaorang soeda djadi terpisa, akoe tjoema taoe, iaorang masi idoep, kadang kadang akoe denger itoe kabar dari laen orang. Tapi akoe sama sekali tiada dapet taoe, di mana iaorang ada. Demi Allah, akoe sabenernja soeda tiada ada poenja laen sobat lagi, tjoema kau saorang sadja, R chefort."
— ,,Dan itoe orang jang akoe soeda angkat djadi sergeant, siapa namanja itoe anak ?"
— ,,Planchet ?"
— ,,Ja, betoel Apa soeda kedjadian dengen itoe Planchet?"
— Ia menika pada Batoe nona toko koewe koewe di djalanan des Lombards; ia memang selamanja soeka pada barang barang manis; djadi ja sekarang ada satoe pendoedoek kota Parijs dan barangkali ada toeroet pada orang orang jang bikin riboet. Tjoba kau liat, itoe anak brangkali nanti diangkat djadi burgemeester dari Parijs sablonnja akoe bisa djadi kapitein."
— ,,d'Artagnan, djangan abis pengharepan doeloe! Selamanja kita ada di bagian sebla bawa dari roda peroentoengan, kita masi boleh harep, itoe roda nanti poeter kita ka sebla atas. Siapa taoe, barangkali ini malem kau poenja keada'an nanti beroba."
