— 349 —
— „Akoe maoe tjoba boeat djalan sampe di sala satoe roema.“
„Abis apa kita moesti bikin? Kita toch perloe lantes balik ka Parijs ? kata d'Artagnan. Akoe nanti oeroes Mousqueton,“ kata Grimaud.
„Trima kasi, Grimaud,“ mengoetjap Porthos. Grimaud toeroen dari koedanja dan dandan ia poenja sobat lama jang pandang padanja dengen kaloear aer mata, tapi Grimaud tiada bisa dapet taoe, apa Mousqueton kaloear aer mata dari sebab girang ketemoe lagi padanja atawa lantaran sakit dari ia poenja loeka.
D'Artagnan dan Porthos troesken perdjalanannja poelang ka Parijs dengen plahan dan tiada banjak bitjara.
Tiga djem kamoedian iaorang soeda disoesoel oleh satoe orang prentahannja hertog de Beaufort, jang bawa satoe soerat bosat Kardinaal, dalem mana sebagimana didjandji, ada dikasi ketrangan dari hal d'Artagnan dan Porthos poenja kegagahan koetika iaorang mengedjer pada hertog.
Itoe pagi Mazarin jang memang soeda oering oeringan lantaran tidoer koerang senang djadi semingkin mendongkol, koetika ia trima soeratnja hertog, dengen mana itoe hertog kasi kabar pada Kardinaal, sekarang ia, hertog, soeda merdika dan nanti maloemken prang pada Kardinaal
Mazarin batja itoe soerat doea tiga kali dan dengen menggroetoe ia kasi masoek itoe soerat dalem sakoenja.
„Maski d'Artagnan tiada dapet tangkep padanja“, kata Mazarin saorang diri, toch dalem itoe perdjalanan ia soeda berboeat satoe djasa
