— 310 —
Koetika Grimaud maoe soempel moeloetnia La Ramee ini orang kasi. tanda jang ia maoe bitjara doeloe.
„Tjepet!“ kata hertog.
— „Ach, Monseigneur, djikaloe lantaran Monseigneur akoe dapet tjilaka djoega, toeloeng inget jang akoe ada poenja istri dan ampat anak anak.“
„Djangan kwatir Grimaud soempel moeloetnja.“
Sigra La Ramee soeda reba di tana dengen teriket kaki tangannja serta ia poenja moeloet disoempel, sedeng korai dan medja sengadja soeda di balik balik soepaja orang nanti doega jang isorang soeda berklai di itoe tempat.
Grimaud ambil dari Sakoenja itoe officier politie koentji pintoe pintoe pendjara, dengen apa ia boeka pintoe dari itoe kamar jang kamoedian dikoentji lagi dari sebla loear. Dengen tjepet iaorang djalan Kaloear dan tiga pintoe hek diboeka djoega dengen tjepet sampe iaorang ada di tempat, di mana biasa iaorang soeka maen keats. Itoe tempat ada soenji dan tinda didjaga,
Hertog boeroe pinggir tembok, dari mana ia dapet liat, di sebrang soengi ada tiga orang naek koeda dengen bawa doea koeda laen, Pada itoe orang hertog kasi tanda dengen tangannja dan lantes dibales kombali, kerna ia ada orang orang jang menoenggoe pada itoe hertog.
Grimaud pasang itoe tangga dan sasoedanja sedia hertog kata padanja :
„Djalan,“
— „Akoe lebi doeloe, Monseigneur?“
— „Tentoe, djikaloe orang tangkep akoe, akoe tjoema dikasi masoek lagi dalem pendjara,
