— 256 —
kombali dengen kasi taoe jang maski hertogin de Chevreuse tiada kenal pada grasf de la Fere, diminta soepaja itoe toean graaf soeka masoek.
Athos toeroet itoe pengawal dịalan masoek sampe di satoe Balon, di mana ia pesen Raoul boeat menoenggoe.
Pengawal boeka lagi satoe pintoe dan kan kabar jang graaf de la Fere soeda ada.
Njonja hertogin de Chevreuse jang soeda sring di tjeritaken dalem iga Panglima prang, tapi blon taoe ditjeritaken dari keada'annja sendiri, sabenernja ada saorang prempoean jang sanget tjentik roepanja, itoe tatkala ia soeda beroemoer ampatpoeloe ampat taon tapi roepanja masi sebagi orang jang baroe oemoer tigapoeloe lebi, ramboetnja jang bagoes masi tebel, sedeng moekanja jang manis blon kisoet, pendeknja itoe hertogin pada itoe masa masi keliatan tjantik roepanja.
Koetika Athos dateng masoek itoe njonja ada doedoek di satoe korsi males dengen satoe boekoe di hadepannja.
Maski namanja graat de la Fore sama sekali tiada di kenal oleh njonja de Chevreuse tingka lakoenja Athos soeda bikin itoe njonja dapet satoe kenjata'an jang itoe tetamoe ada satoe orang bangsawan moelia, hingga itoe njonja berbangkit dari tempat doedoeknja dan oendjoek pade Athos satoe korai.
Athos manggoet dan doedoek. Pengawal maoe djalan kaloear tapi atas satoe tanda dari Athos ia tinggal menoenggoe.
„Njonja," kata Athos pada hertogin, akoe soeda ambil kebranian boeat masoek di sini sedeng kau tiada kenal pada akoe; kau soeda ada itoe baek hati boeat trima akoe dan sekarang
