— 236 —
„Dan kenapa moesti djaga lebi baek ?“ menanja hertog dengen rasa kwatir dalem hatinja.
— „Kerna satoe noedjoem soeda ramalken jang kau nanti lari.“
„Begitoe? satoe noedjoem soeda ramalken itoe perkara ?“ kata hertog jang djadi sedikit kaget.
— „O, itoe memang soeda biasanja, iaorang tiada taoe moesti berboeat apa, maka iaorang karang sadja sala satoe perkara boeat bikin orangn djadi kwatir.
— „Dan apa kau soeda djawab pada kau poenja Eminentie ?
— „Akoe bilang bilang padanje, boeat djangan pertjaja ramalannja itoe noedjoem.
— „Kenapa begitoe?
— „Kerna boeat bisa lari dari sini, lebi doeloe kau moesti beroba djadi satoe boeroeng.“
— „Latjoer boeat akoe, kau poenja pikiran betoel adanja. Mari kita pergi maen kaats, La Ramee.“
— „Akoe harep Monseigneur tiada djadi goesar, akoe minta tempo stenga djem lebi doeloe.
— „Kenapa?
— „Sebab Mazarin sanget angkoe tingka lakoenja dan soeda loepa adjak akoe bersantab. Dari pagi akoe blon dahar satoe apa.
— „Apa kau ingin akoe prenta bawa kau poenja barang makanan di sini?
— „Tiada Monseigneur. Lebi doeloe akoe maoe bilang, itoe Marteau, jang boeka roema makan di sebrang ini benteng soeda djoeal itoe roema makan pada satoe orang dari Parijs.
— „Abis, perloe apa akoe dapet taoe itoe perkara?
— „Di itoe roema makan orang bisa dapet roepa roepa barang makanan jang sanget lesat rasanja.
