— 231 —
dan tjari dengen pertjoema, jaitos satoe penggawe jang setia, satoe sobat jang dateng menoeloeng, sekarang dateng sebagi saroepa barang djato dari langit, sedeng ia tiada sekali pikir dan doega itoe perkara. Dengen bengong ia awasin Grimaud dan batja itoe soerat.
„Ach! itoe Marie jang manis boedi!" kata hertog, djikaloe begitoe, betoel ianja jang akoe baroe ini dapet liat dari djendela, sedeng ia liwat dalem satoe kreta.... Begimana! soeda liwat lima taon lamanja ia masi inget pada akoe! Ini betoel satoe ketjinta'an di loear biasa!"
Kamoedian hertog kata pada Grimaud:
Dan kau penggawe jang setia, apa kau djoega soeka toeroet bantos itoe niatan ?"
Grimaud manggoet.
„Sengadja boeat itoe perkara kau dateng disini ? menanja hertog.
Grimaud manggoet lagi.
Baroesan ampir akoe tjekek kau!" kata hertog.
Grimaud tersenjoem.
„Tapi nanti doeloe, kata hertog, jang lantes rogo sakoenja.
Ia kata poela:
„Nanti doeloe, orang tiada nanti bisa bilang, satoe tjoetjoe dari Hendrik IV tiada bisa hargaken orang poenja boedi."
Tapi begimana ia tjari, ia tiada bisa dapet satoe apa, kerna sekalian orang hoekoeman di pendjara dilarang ada mempoenjain oewang. Grimaud jang soeda dapet doega hertog poenja maksoed, kasi kaloear dari sakoenja satoe kantong berisi oewang mas dan kata:
„Ini dia jang toean tjari."
Hertog boeka itoe kantong dan maoe toeang
