— 200 —
ga ada niat boeat prenta Raoul pergi dari sini."
— „Itoe betoel baek.“
— „Akoe djoega pikir, itoe perkara moesti diatoer begitoe, tapi hatinja Raoul nanti djadi sedi, betoel sebagi orang jang soeda besar tjinta satoe pada laen. Soeda tiga ampat taon lamanja, djadi dari masi anak anak, ia soeda bisa bergaoelan dan soeka pada itoe nona, hingga djikaloe ia tingal diam di sini, tentoe kamoedian ia moesti djadi tjinta pada itoe nona. Itoe anak anak bitjara satoe pada laen seantero hari dari roepa roepa perkara sebagi anak anak jang soeda beroemoer doea poeloe taon tjinta satoe pada laen. Pendeknja, orang toeanja itoe nona sekareng liat anaknja maen maen dengen tersenjoem, tapi akoe kira, ia nanti bikin kebratan apabila Raoul minta anaknja boeat istri.“
— „Itoe perkara tjoema permaenan anak anak sadja; Raoul moesti dapet laen pakerdja’an, pindaken ia dari sini dan djikaloe kau tiada berboeat begitoe, itoe anak tiada nanti djadi satoe laki laki jang gaga.“
„Akoe ada niatan boeat kirim ia ka Parijs,“ Kata Athos.
„Begitoe!“ kata d’Artagnan.
Dalem hatinja kata; „Ini tempo baek akoe moelain bitjara padanja“
„Djikaloe kau soeka kita boleh atoer begimana boleh djadi baek boeat ini anak moeda“ kata d’Artagnan poela.
„Begitoe?“ sekarang Athos jang menanja.
— „Akoe ada niat boeat tanja begimana kau poenja pikiran dari satoe niaten jang akoe soeda dapet.“
— „Tjoba kasi denger.“
— „Apa Kau kira, ini tempo ada waktoe jang
